Með markvissum aðgerðum síðastliðin tvö ár hefur tekist að verja samkeppnisstöðu Íslands í mjög erfiðu árferði, og styrkja ímynd Íslands sem áfangastaðar.

Tilgangur markaðsverkefnisins Ísland - Saman í sókn er að auka eftirspurn eftir íslenskri ferðaþjónustu, styrkja ímynd Íslands sem áfangastaðar og viðhalda samkeppnisstöðu íslenskrar ferðaþjónustu og annarra útflutningsgreina á miklum umbrotatímum.

Markmið Meet in Reykjavík er að styrkja ímynd Íslands og Reykjavíkur sem áfangastaðar fyrir ráðstefnur, fundi, hvataferðir og alþjóðlega viðburði (MICE).

Félagið var sameinað Íslandsstofu árið 2020 og er nú rekið sem sjálfstætt verkefni þar.

Að jafnaði stendur Íslandsstofa fyrir þátttöku Íslands í um 30 sýningum og vinnustofum erlendis á sviði ferðaþjónustu.

Má þar nefna sýningar á borð við ITB Berlin, Top Resa í París og World Travel Market í London. Einnig eru sóttar vinnustofur í um 20 borgum í Evrópu og Norður-Ameríku ár hvert.

Verkfærakistan er hugsuð sem þjálfunartól fyrir erlenda söluaðila þegar kemur að markaðssetningu á áfangastaðnum Íslandi.

Markmiðið er að fræða erlenda söluaðila um Ísland sem áfangastað, auka þekkingu á landi og þjóð og stuðla að ábyrgri ferðahegðun.

Hagsmunaaðilar ferðaþjónustunnar hafa hér tækifæri á að nálgast þekkingu og dýpka skilning sinn á þeim markhópum sem þykja hvað ákjósanlegastir fyrir íslenska ferðaþjónustu, ásamt leiðbeiningum um hvernig hægt sé að skerpa betur á markaðssetningunni.